Aðalfundur og vorkaffi Félags Djúpmanna.
Hér á heimasíðunni okkar verða birtar upplýsingar um Félag Djúpmanna, félag sem í daglegu tali er kallað Djúpmannafélagið. Við lögðum af stað með þá Mulberry Outlet von í brjósti að gerlegt yrði að blása nýju lífi í Djúpmannafélagið, tilgangurinn með félagsskapnum sé og verði að halda utan um Djúpmenn með virkum hætti, hittast, kynnast og/eða endurnýja gömul kynni. Félagið er fyrir alla Djúpmenn,búsetta sem burtflutta svo og alla þá sem tengjast Djúpinu vináttu og eða ættarböndum. Starfið hjá félaginu hefur ekki farið geyst af stað hjá nýrri stjórn en viljinn er fyrir hendi aðeins vantar upp á meiri tíma til aflögu og að virkja félagsmenn. Mulberry UK
Félag Djúpmanna í Reykjavík, var stofnað þann 30 april 1954 og var þá upphaflega hugsað sem vettvangur fyrir burtflutta Djúpmenn í Reykjavík og nágrenni eins og nafnið gefur kannski til kynna. Í dag er að mörgu leiti önnur staða uppi og viljum við gjarnan fá alla þá í félagið sem eiga einhver tengsl við Djúpið óháð búsetu en flestir skráðra félaga eru búsettir á höfuðborgarsvæðinu.
Aðalfundur 2010.
28. október 2010 var haldin aðalfundur eftir margra ára hlé. Á þessum fundi var kosið til nýrrar stjórnar í fimm manna stjórn félagsins. Kosnir voru þeir Leifur Halldórsson frá Ögri sem var jafnframt kjörinn formaður og Daníel Helgason, frá Odda í Ögurvík er gjaldkeri. Fyrir í stjórn og sitja áfram voru þeir Einar Kjartansson, Hjörtur Aðalsteinsson og Theódór Halldórsson. Þeir sem viku úr stjórn eru Kristinn Halldórsson,fráfarandi formaður og Ólafur Hannibalsson. Þeim eru færðar hér með bestu þakkir fyrir vel unnin störf og vonandi að félagið fái að njóta starfskrafta þeirra áfram í ýmsum verkefnum sem eru framundan.
Ný stjórn fundaði strax í vikunni á eftir og skipti með sér verkum og lagði línurnar m.a. um það sem þótti vera helst til þess fallið að fjölga virkum félögum, en það væri heimasíða, það að félagið sé sýnilegt á veraldarvefnum. Í þeim efnum má nefna að félagið verður samhliða heimasíðunni með síðu á samskiptavefnum Facebook eða Fésbókinni þannig að sem flestir verði okkar varir og geti fundið eitthvað við sitt hæfi.
Djúpmannatal.
Rétt er að nefna hér stórt verkefni sem félagið hefur verið með í vinnslu í nokkurn tíma en það er ættfræðigrunnur Djúpmanna, Djúpmannatal sem Ólafur Hannibalsson hefur haft veg og vanda af en spannar um 50 ára sögu hjá félaginu þannig að margir hafa komið að þeirri vinnu. Þetta verður mikið rit en ekki hefur verið tekin ákvörðun um hvernig útgáfu þess verður háttað. Lesa má samantekt Ólafs um þetta verkefni undir "Fróðleikur" hér á heimasíðunni.
Heimasíðan og vinnan framundan.
Þessi heimasíða er unnin af Magnúsi Hávarðarsyni í Bolungarvík og ljósmyndir voru fengnar með góðfúslegu leyfi höfundar, áhugaljósmyndarans og ísfirðingsins Ágústs Atlasonar en hann hefur farið um ægifagurt Djúpið með myndavélina að vopni og leyfir okkur að njóta. Færum við honum okkar bestu þakkir fyrir og hvetjum þá sem eiga góðar ljósmyndir á stafrænu formi að koma þeim til okkar.
Heimasíðan er enn í þróun og vinnslu en búið er að opna fyrir innskráningu og nýskráningu í félagið. Skráðir félagar koma til með að fá sent bréf með upplýsingum um hvernig þeir geta skráð sig inn á lokað svæði heimasíðunnar. Inn á þessu lokaða svæði verða geymdar upplýsingar um skráða félaga, jafnvel með upplýsingum um tengsl viðkomandi við Djúpið, nálgast félagatal og aðrar upplýsingar um Djúpið t.d. gömlu hreppana, bæina og fólkið sem byggði sveitirnar í kringum gullkistuna líkt og Djúpið var stundum kallað hér áður. Þá er það von okkar að þessi heimasíða geti orðið vettvangur þar sem fram kemur hvað eina sem félagið stendur fyrir.
Rétt er að koma því á framfæri hér að við sem störfum í stjórn þurfum nauðsynlega að fá áhugasamt og duglegt fólk til liðs við okkur og hjálpa til við ýmis verkefni og koma með hugmyndir að verkefnum. Má þar nefna einhverja til að vinna með okkur að þróun á starfi félagsins hvað það er sem við viljum að félagið standi fyrir og vinnu við heimasíðu ofl ofl.
Aðalfundur 2011.
Aðalfundur fyrir árið 2011 verður haldinn þann 10.janúar 2012 kl 20:00 í sal Lions að Sóltúni 20 Reykjavík. Sjá nánar í fréttum hér á síðunni.
Með jóla-og nýárskveðju.
Leifur Halldórsson,formaður Félags Djúpmanna.